R de Reciclar

 Reforzamos os contidos traballados sobre a clasificación dos residuos coa realización dunha ficha (tamén podedes atopar xogos interactivos sobre reciclaxe na lapela superior de XOGOS).

SITUÁMONOS NUN PLANO

  Hoxe, a raíz de escoitar unha canción sobre Rosalía de Castro xurdiu a pregunta de si na nosa vila habería unha rúa á que se lle dera o seu nome. Abrimos o Google Maps e localizamos o noso cole e aproveitamos para situar o Gadis e a Praza de Abastos.

CAMIÑO A...

 O alumnado de 3 anos elaborou xunto coa sua titora este plano sobre o camiño que deben percorrer no patio para chegar a súa porta de entrada. Comezamos polo concreto e cercano á cativada para pouqiño a pouco adentrarnos máis nos "CAMIÑOS".

COSENDO ESTRELAS POLA PAZ NO CAMIÑO DO MAR

 A nosa andaina quere ser un camiño da paz cada día, pero neste camiñar sempre celebramos o DÍA ESCOLAR DA PAZ E NON  VIOLENCIA.

Dentro do noso proxecto "RECICLANDO FAISE CAMIÑO" a andaina levanos polo CAMIÑO DO MAR neste Xacobeo 2021-22  que está cheo de ESTRELAS, por iso quixemos facer un obradoiro de costura, cosendo estrelas cheas de palabras fermosas, de tolerancia, de amor e de PAZ.

PIRÁMIDE DOS ALIMENTOS

  Creamos a nosa propia pirámide dos alimentos con caixas de panos de papel reutilizadas para xogar nor recunchos e aprender máis sobre aqueles alimentos máis importantes na nosa dieta e aqueles que son menos importantes.

CREAMOS CON VERDURAS

  Como estamos a estudiar a alimentación aproveitamos para coñecer a Arcimboldo.

E probamos a facer os seus cadros con verduras e hortalizas de verdade. Nada mellor que experimentar!!!

ESTAMPAMOS CON HORTALIZAS

  Aproveitando que estamos a traballar a alimentación, que mellor idea que crear uns cadros estampando con diferentes formas resultado de trocear algunha que outra froita e hortaliza: pementos, cenouras, patacas, rabanitas ou mazás...